АСТАНА. 11 ақпан. Футболдан Қазақстан мен Ресей құрамалары бір-бірімен жолдастық кездесу өткізетін болып келісті. Бұл туралы Ресей футбол одағының сайтында хабарланды.
«31 наурызда Ресей ұлттық құрамасы Қазақстан командасымен жолдастық кездесу өткізеді. Ойын Мәскеуде ойналады, оның өтетін стадионы мен уақыты кейінірек айтылады», - делінген хабарламада.
Бұған дейін Қазақстан ұлттық құрамасы Молдова командасымен ұшырасуды жоспарлап қойған. Бұл жолдастық кездесу 18 ақпан күні өтеді.
Еске салып өтетін бір жайт, Қазақстан және Ресей құрамалары бұдан бұрын бір рет өзара жолдастық ойын өткізген. 2008 жылы болған сол матчта қазақстандықтар 0:6 есебімен ойсырай ұтылған.
Дамир Қожамқұл.