Бейсенбі күні Теннесси, Миссури және Индиана штаттарының Оңтүстік пен Орта Батысында 30-дан астам торнадо тұрып, бұршақ пен нөсер жаңбыр жауды, салдарынан жеті адам табиғи апаттан қаза тапты, деп хабарлайды Egemen.kz.
The New York Times басылымының хабарлауынша, АҚШ көшелерін су басып, электр желілері үзіліп қалған. Орта Батыс пен Оңтүстіктегі қалалар мен округтер алдағы күндері болжанған қатты су тасқынына дайындық жұмыстарын күшейтіп жатыр.
Армия инженерлер корпусы Миссуридегі Поплар Блуфф қаласының маңындағы бөгетті нығайту үшін шамамен 1500 қап құм толтырғанын айтты.
Индиана губернаторы Майк Браун дауылдың салдарын жоюға көмектесу үшін Ұлттық гвардияны тартатынын хабарлады.
Ұлттық ауа райы қызметі демалыс күндері 10-15 дюйм (254 мм-ден 381 мм-ге дейін) жаңбыр жаууы мүмкін екенін айтты. Ең қатты жаңбыр Арканзас пен Теннессиде болады деп күтіледі.
Дауыл Теннесси штатында бес адамның өліміне себеп болды. Индианада 27 жастағы ер адам көлікпен электр желісіне соғылғаннан кейін қайтыс болды.
Миссуриде өрт сөндіру бөлімінің бастығы қайтыс болды. Бейсенбіде ұлттық ауа райы қызметі аймаққа кем дегенде 33 торнадо түскенін растады.