ҚОСТАНАЙ. 11 ақпан. Қостанай қаласының бас архитекторы болып Гүлсара Қасыбаева тағайындалды. Бұл туралы egemen.kz тілшісі хабарлады.
Г.Қасыбаева Рудный индустриялық институтын өнеркәсіптік және азаматтық құрылыс мамандығы бойынша 1992 жылы бітірген болатын. Ол қызметін жеке меншік мекемелердің құрылыс алаңында шебер болып бастады. Мемлекеттік қызметті 2006 жылдан істейді. Бүгінге дейін Қостанай қалалық архитектрура және құрылыс бөлімін басқарды.
Еске сала кетсек, облыс орталығының бұрынғы бас архитекторы Абай Юнусов өз қалауымен қызметінен 2014 жылдың қарашасында кеткен болатын.
Нәзира Жәрімбетова.
Дерек, сурет: egemen.kz.