Жыл өткен сайын ішкі істер департаментінің материалдық-техникалық базасы нығайып келеді. Тек соңғы жылдары ғана жергілікті қазынадан бөлінген қаржыға жаңа бейнебақылау қосыны орнатылып, мекемелер жөндеуден өтті. 5 көлік, 30-ға жуық компьютерлік техника сатып алынды.
Жуырда аудандарда жұмыс істейтін полицейлер жеңіл көліктерге ие болды. Салтанатты шараға облыс әкімі Серік Біләлов қатысып, ішкі істер органдары қызметкерлеріне әртүрлі маркалы 21 жеңіл көліктің кілттерін ұстатты. Тартулардың жартысына жуығы шалғайдағы Уәлиханов ауданына берілді. Сол сияқты Айыртау ауданының тыныштық сақшылары да үлкен қуанышқа бөленді.
Облыстық ішкі істер департаментінің бастығы Дауыл Түсіпбеков өз сөзінде қоғамдық тәртіпті нығайтуда тәртіп сақшыларына жасалып жатқан көмек пен үлкен сенімге алғысын жеткізді.
Өмір ЕСҚАЛИ.
Солтүстік Қазақстан облысы.