АҚТАУ. 19 ақпан. Жаңаөзен қаласында екпеден соң оқушылар естерінен танып, ауруханаға және жансақтау бөліміне түскен. Бұл туралы egemen.kz тілшісі хабарлады.
Бір күнде Жаңаөзен ауруханасына түскен 30 баланың 8-і жансақтау бөліміне жатқызылса, екеуі «жедел жәрдем» көлігімен Ақтау қаласына жіберілген. Үндістаннан шығарылған қызылшаға қарсы вакцинаны қабылдаған соң балалардың басы айналып, жүрегі айнып, аяқ-қолдары қалтырай ұйып,талмаусырай бастаған. Дәрігерлер тарапынан балаларға «екпеден кейінгі реакция» деген диагноз қойылған. Мұндай екпе Маңғыстау облысы бойынша 35 мыңнан астам балаға, оның ішінде 6 мың жасөспірімге салыну керек екен. Қазір Жаңаөзенде вакцина егу уақытша тоқтатылды.
Гүлайым Шынтемірқызы.
Дерек: egemen.kz.
Cурет: ktk.kz.