Аталған облыстың Шалқар қаласының тұрғындары 27 жастағы Аслан Лайықов пен Ләззат Жоламанованың отбасында үшем дүниеге келіп, оларға Әдемі, Сұлу және Әміре есімі берілді, деп жазады Egemen.kz.
Бұдан бөлек жас отбасының 5 жасар ұлы, 3 жасар қызы бар.
Шалқар ауданы әкімі Жанболат Жидеханов көпбалалы отбасыны құттықтап, естелік сыйлығын тарту етті.
Облыс әкімдігінің мәліметінше, нәрестелердің дүниеге келгендегі салмағы – 1600, 1670, 1490 грамм болса, бойлары бірдей, 35 см. Нәрестелер бірнеше минут айырмашылықпен дүниеге келген.
«Шақалақтар 1 айдан аса облыстық перинаталдық орталығы дәрігерлердің жіті бақылауында болып, тұрақты ем қабылдаған. Ана мен сәбилердің жағдайы жақсы», делінген хабарламада.