АСТАНА. 8 тамыз. Мемлекет басшысы Нұрсұлтан Назарбаев Астанада бой көтерген жаңа Мұз айдынын аралап көрді. Бұл туралы bnews.kz хабарлады.
«Барыс» хоккей клубы алдағы уақытта өз жеріміздегі ойындарын осы кешенде өткізеді. Мұз сарайын аралап көрген Елбасы: «Біз бүгін тағы бір әлеуметтік маңызы зор нысанды ашқалы отырмыз. Міне, осы кешенді Мұз сарайы деп атауға болады. Дүниежүзілік олимпиадалық ауқымдағы шараларды өткізуге лайық. Стадион 12 мың көрерменге шақталған. Оған қоса, мұнда хоккей академиясы, 50 метрлік олимпиадалық бассейн мен көркем жүзуге арналған бассейн жұмыс істейді. Мұнда спортпен айналысамын деушілерге барлық жағдай жасалған», – деді.
Талғат Райымбек.
Дерек, сурет: bnews.kz.