АТЫРАУ. 19 ақпан. Атырау облысының әкімі Бақтықожа Ізмұхамбетов халық алдындағы есеп беру жиынында экстремизмді насихаттаған 16 жастағы жасөспірімнің ісі сотта қаралып жатқанын мәлім етті. Бұл туралы egemen.kz хабарлады.
«Теріс діни ағымдардың жетегінде жүрген жастардың қай жағынан да сауатсыз, тіпті надан екенін көріп отырмыз. Көпшілігінің мамандығы жоқ, білімі мектеппен шектелген. Экстремизмді насихаттап жүрген бір баланың ісі қазір сотта қаралып жатыр. Жасы он алтыда. Екі әйелі бар. Бірінші әйелі үшінші баласын босанайын деп отыр. Анасымен араласпайды», деп мәлім етті облыс әкімі Бақтықожа Ізмұхамбетов.
Былтыр жастарды теріс ағымдар жетегіне еруден сақтандыру мақсатында 66 мың дана ақпараттық материал таратылыпты. Бұған қоса 161 мың адамның қатысуымен 1 200-ге жуық іс-шара ұйымдастырылыпты.
Жолдасбек Шөпеғұл.
Дерек:egemen.kz.
Сурет: adyrna.kz.