АСТАНА. 20 ақпан. Мұсайбеков Сәкен Жүнісбекұлы Қазақстан Мәдениет және спорт министрінің орынбасары болып тағайындалды. Бұл туралы министрліктің баспасөз қызметі хабарлады.
Вице-министр дене шынықтыру және спорт мәселелеріне басшылық жасайды.
Сәкен Мұсайбеков 1967 жылы Солтүстік Қазақстан облысында туған.
1991 жылы В.И.Ленин атындағы Қазақ политехникалық институтын тау инженері мамандығы бойынша бітірген. 1996 жылы Қазақ мемлекеттік басқару академиясынан халықаралық экономист мамандығын алып шыққан.
Еңбек жолын 1990 жылы бастаған. Коммерциялық құрылымдарда басшылық қызметтер атқарған. 1995 жылы Министрлер Кабинеті жанындағы шет ел капиталын пайдалану жөніндегі комитеттің жетекші маманы, бас маманы болды. 1996 жылы Қазақстан Парламенті Мәжілісі төрағасының көмекшісі, одан кейін Мемлекеттік кіріс министрінің кеңесшісі болып тағайындалды. 2000 жылдан Қаржы министрлігінің әкімшілік департаментінің директоры, «Қазақавтожол» кәсіпорны бас директорының орынбасары, Oil group NC ЖШС басшысының кеңесшісі, Қаржы министрлігі аппаратының басшысы, Көлік және коммуникация вице-министрі, Қазақстан Премьер-министрінің штаттан тыс кеңесшісі қызметтерін атқарды.
2008 жылы наурызда «Қазына» Қазақстанның тұрақты даму қоры» акционерлік қоғамына басқарушы директор болып, одан кейін «Самұрық–Қазынаға» басқарушы директор болып тағайыналды. Соңғы жылдары спорттық жекпе-жек және күш қолданылатын спорт түрлері конфедерациясының бас директорының қызметін атқарды.
Мәдениет және спорт жаңа вице-министрі «Құрмет» орденінің иегері.
Сәкен Майлыбай.