Байланыс операторларының кеңесі

Инвестициялар және даму министрлігі Байланыс, ақпараттандыру және ақпарат комитетінде вице-министр Асқар Жұма­ға­лиев­тің төрағалығымен «Кселл» АҚ, «Кар-Тел» ЖШС, «Мобайл Телеком-Сервис» ЖШС және «Алтел» ЖШС байланыс опера­тор­ларының кеңесі өтті. Операторлар арасындағы келіссөздер нәтижесінде 2015 жылдың 1 қаңтарынан бастап интерконнект мөлшерлемесін минутына 11,10 теңгеден 8 теңгеге (ҚҚС-сыз) дейін төмендету туралы шешім қабылданды. «Біз операторларға бір жерде жиналып, бір шешімге келуге мүмкіндік бердік. Нәтижесінде, интерконнект биыл 28%-ға тө­мен­дейді. Бұл ұялы байланыс қыз­мет­тері нарығындағы бәсекелестікті дамытып, абоненттердің шы­ғын­дарын азайтады», деп атап өтті Асқар Жұмағалиев. Бұдан басқа, Асқар Жұма­ғалиевтің айтуынша, кездесу барысында операторлар 2016 жылдың 1 қаңтарынан бастап барлық ұялы операторлар үшін интерконнект мөлшерлемесін минутына (ҚҚС-сыз) 5 теңге көлемінде бекітуге келісті. Естеріңізге сала кетейік, интер­коннект – операторлар арасын­дағы желіаралық байланыс. Ин­терконнект мөлшерлемесі бір опера­тор­дың басқа операторға өз або­нен­тінің желіден тыс қоңырау шал­ғанда сөйлесудің әрбір минуты үшін төлейтін соманы анықтайды. Қазақстанда интерконнект ставкасы 11 жыл бойы өзгермей, (ҚҚС-сыз) 19,98 теңге құраған. 2010-2012 жылдар аралығында ұялы байланыс операторларымен келісім бойынша интерконнект мөлшерлемесі 19,98 теңгеден 15,3 теңгеге дейін (ҚҚС-сыз) тө­­мен­­­детілген. 2012 жылдың жел­­тоқ­­­сан­ында ұялы байланыс опе­ра­тор­лары үш жыл ішінде жыл сайын 15%-ға интерконнект мөлшер­ле­месін төмендету жө­нін­дегі мемо­рандумға қол қойған. Сонымен қатар, ҚР ИДМ Байланыс, ақпараттандыру және ақпарат комитеті «Кселл» АҚ және «Кар-Тел» ЖШС интерконнект бағасына сараптама өткізген болатын. Сараптама қорытындысы бойынша операторларға 2015 жылғы 1 қаңтардан бастап интерконнект мөлшерлемесін 11,10 теңгеден 8,88 теңгеге (ҚҚС-сыз) дейін төмендету қажеттілігі туралы қорытынды жіберілді. «Егемен-ақпарат».