Биыл Президент тапсырмасымен 141 мектеп ашылды

Вице-министрдің айтуынша, еліміздегі апаттық жағдайды және оқушы санының шектен тыс көптігін реттеу үшін «Келешек мектебі» ұлттық жобасы аясында тың жұмыстар атқарылып жатыр.  «Мемлекет басшысының бастамасымен «Келешек мектептері» ұлттық жобасы табысты жүзеге асырылды. Оның аясында еліміздің түкпір-түкпірінде 460,4 мың орындық 217 жаңа форматты мектеп салынып жатыр. Бұл жоба арқылы 69 үшауысымды, 22 апаттық мектеп және 100-ден астам мектепте орын тапшылығы мәселесі шешімін тапты. Жалпы 2025 жылы 214 мың оқушы орнына арналған 141 мектептің құрылысы аяқталды», деді М. Мелдебекова. Бұл бастама тек ғимараттар салумен шектелмей, балалар үшін қауіпсіз әрі заманауи жабдықталған «жайлы оқу ортасын» құруды көздейді. 

«Келешек мектептері» ұлттық жобасы қорытындыланады