Қазақстан халықаралық ғылыми белсенділік өлшемінде өңірдегі жетекші орнын тағы да айқындады. SCImago Research Group жариялайтын SCImago Country Rank рейтингінде еліміз Орталық Азия мемлекеттері арасында бірінші орынға шықты. 1996-2024 жылдар аралығындағы жиынтық дерек бойынша Қазақстан әлемдік тізімде 69-орынға тұрақтаса, 2024 жылдың қорытындысында 64-орынға жоғарылады. Бұл – ұлттық ғылымның жүйелі дамуы мен жарияланым белсенділігінің артқанын білдіреді, деп жазады Egemen.kz.
Қазақстанның көрсеткіші көрші елдерден едәуір жоғары. Мәселен, Өзбекстан – 83-орында болса, Қырғызстан – 130-орында тұр екен, ал Тәжікстан – 147-орында, Түркіменстан – 191-орында тұр.
Бұл айырмашылық ғылымды қаржыландыру деңгейі, зерттеу инфрақұрылымының дамуы, кадрлық әлеует, халықаралық ынтымақтастық және жарияланым сапасы секілді негізгі көрсеткіштердегі басымдықты аңғартады.
Жүйелі саясат жемісіҚол жеткізілген нәтиже – ғылым және жоғары білім саласындағы дәйекті мемлекеттік саясаттың жемісі. «Ғылым және технологиялық саясат туралы» заң аясында өңірлік инновациялық жүйелерді дамытуға, зерттеу университеттері мен артықшылық орталықтарын қалыптастыруға, ғылыми жобаларды бизнес қатысуымен бірлесіп қаржыландыру тетіктерін енгізуге басымдық беріліп отыр.
Сонымен бірге жас ғалымдарды қолдау шаралары кеңейіп келеді. Отандық ғылыми ұйымдардың Horizon Europe бағдарламасына қатысуы да Қазақстан ғылымының жаһандық зерттеу кеңістігіне ықпалдасуына жол ашып отыр.
Farabi university: ғылым, инвестиция және дамудың жаңа кезеңі
Беделді бағалау тетігіSCImago рейтингі – әлем елдерінің ғылыми және зерттеушілік әлеуетін саралайтын беделді құралдардың бірі. Ол Elsevier компаниясына тиесілі Scopus халықаралық библиометриялық дерекқоры негізінде жасалады.
Әдіснамада рецензияланатын журналдардағы жарияланым саны, дәйексөз алу деңгейі, халықаралық ғылыми ынтымақтастық, зерттеулер сапасы және ғылымның инновациялық дамуға қосқан үлесі есепке алынады. Демек, бұл көрсеткіштер тек сандық емес, сапалық өлшемдерді де қамтиды.
Қазақ әйелдерінің ғылымдағы үлесі қандай?
Ғылыми имиджді нығайтқан қадамҚазақстанның рейтингтегі позициясының жақсаруы жүргізіліп жатқан реформалардың нәтижелілігін көрсетеді. Бұл табыс еліміздің Орталық Азиядағы ғылыми және зияткерлік көшбасшы ретіндегі беделін күшейтіп отыр.
Білім мен технология үшін жаһандық бәсеке күшейген кезеңде мұндай нәтиже – ұлттық ғылыми жүйені одан әрі дамытуға, оның ел экономикасы мен қоғам игілігіне қосатын үлесін арттыруға бағытталған стратегиялық басымдықтың айқын көрінісі.
Ғылыми қауымдастық «Халықтық Конституция үшін» коалициясын қолдады