АҚШ президенті Дональд Трамп 9 наурызда Ресей президенті Владимир Путинмен телефон арқылы сөйлесіп, Иранға қарсы әскери операцияны талқылағанын мәлімдеді, деп хабарлайды Egemen.kz.
АҚШ президенті сөйлесу оң сипатта өткенін атап өтті. Трамптың айтуынша, олар Украина мен Таяу Шығыстағы ахуалды талқылаған. Путин АҚШ-тың Ирандағы әскери операциясына таңданыс білдіріп, бұрын-соңды мұндайды көрмегенін айтқан.
Дональд Трамп Иранға шабуыл жасаудың себептерін атады
Сондай-ақ Ресей президентінің көмекшісі Юрий Ушаков та 9 наурызда Путин мен Трамп арасындағы телефон әңгімесі туралы хабарлады. Бұл әңгіменің негізгі бөлімі Ирандағы жағдайға және Украинадағы қақтығысты реттеу жөніндегі келіссөздерге арналғанын мәлімдеді.
Әңгіме барысында Трамп Украинадағы жағдай бойынша «тезірек атысты тоқтату және ұзақ мерзімді бейбіт шешімге қол жеткізуге» мүдделі екенін жеткізген. Өз кезегінде Путин АҚШ-тың делдалдық әрекеттерін оң бағалаған.
Ушаковтың айтуынша, Путин Трампқа Таяу Шығыстағы қақтығысты реттеу жөніндегі ойлары мен өңір лидерлерімен өткен кездесулердің қорытындысын жеткізген. Бір сағатқа созылған құрылымды әңгіме барысында тараптар тұрақты байланыс орнатуға келіскен.
Трамп Иранның келесі көшбасшысын таңдауға қатысқысы келетінін айтты