«Қазгидромет» синоптиктері 20 наурызға арналған ауа сапасына қатысты ескерту жариялап, еліміздің бірқатар қаласында қолайсыз метеорологиялық жағдай қалыптасатынын мәлімдеді, деп жазады Egemen.kz.
Мамандардың дерегінше, аталған күні Қостанай, Павлодар, Қарағанды, Теміртау, Өскемен, Риддер, Ақтөбе, Алматы және Астана қалаларында, сондай-ақ түнгі уақытта Атырауда ауаның ластануына ықпал ететін қолайсыз метеожағдайлар күтіледі.
Синоптиктердің болжауынша, елордада күн ала бұлтты болады, жауын-шашын түспейді. Тұман түсіп, көктайғақ болуы ықтимал. Жел оңтүстік-батыстан секундына 3-8 метр жылдамдықпен соғады. Ауа температурасы түнде -8...-10 градус, күндіз +3...+5 градус шамасында болады.
Еліміздің қай өңірлерінде жол жабық?
Алматыда күн ала бұлтты, жауын-шашынсыз ауа райы күтіледі. Жел солтүстік-шығыстан секундына 3-8 метрге дейін жетеді. Түнгі температура +1...+3 градус болса, күндіз +14...+16 градусқа дейін жылиды.
Наурыз айында ауа райы қандай болады?
Мамандар мұндай күндері ауадағы зиянды заттардың шоғырлануы артып, әсіресе тыныс алу жолдарына сезімтал азаматтарға қолайсыздық тудыруы мүмкін екенін ескертеді.