ОРАЛ. 14 мамыр. Батыс Қазақстан облысының орталығы – Орал қаласында бос жұмыс орындарының мамандандырылған жәрменкесін өткізу дәстүрге айналды. Таяуда аталған қалада сондай жәрмеңкенің бірі өтті. Онда ұйымдастырушылар мүгедектер мен жазасын өтеп келгендерді жұмысқа орналастыруға басымдық берді. Бұл туралы egemen.kz тілшісі хабарлады.
Жәрменкеге 45 жұмыс беруші қатысып тиісті бос орындарды ұсынды. Іс-шара нәтижесінде 23 адам тұрақты жұмысқа орналасты. Оның ішінде 17-і қоғамдық қызметке тартылды. Ал жоғары оқу орнын бітірген 3 түлек жастар практикасына жіберілді.
Ұйымдастырушылар жәрмеңкенің келесі кезегін толығымен жоғары және арнаулы оқу орындарын бітірген түлектер үшін өткізетінін айты.
Темір Құсайын.
Дерек: egemen.kz.
Сурет: uralskweek.kz.