Жамбыл облысында қаңғыбас алабайдың шабуылынан 45 қойынан айырылған шаруа сот арқылы 2,5 млн теңге өндіріп алды, деп хабарлайды Egemen.kz.
Оқиға 2024 жылы болған. Түнде алабай қораға кіріп, қойларды талап кеткен. Сот барысында фермердің малды тиісті жағдайда ұстағаны дәлелденді. Осыдан кейін ол материалдық шығынды өтеуді талап етіп, ветеринарлық қызмет пен әкімдік аппаратына қарсы талап арыз берген.
Шымкентте жер иесі мемлекеттен 83 млн теңге өтемақы өндіріп алды
Жамбыл облыстық соты талапты ішінара қанағаттандырды. Сот шешімімен өтемақы мен сот шығындары ветеринария бөліміне жүктелді.
Сот дерегінше, бір қойдың құны оқиға болған кездегі орташа нарық бағасымен 57 мың теңге деп бағаланған.
Таразда 11-сынып оқушысы әкесінен алимент өндіріп алды