Цифрландыру шеңберінде жасанды интеллектіні (ЖИ) енгізу арқылы «е-ТЖМ» бірыңғай цифрлық платформасы әзірленіп жатыр. Бұл туралы Үкімет отырысында Төтенше жағдайлар министрі Шыңғыс Әрінов мәлімдеді, деп хабарлайды Egemen.kz.
Аталған бірыңғай цифрлық платформада – қауіпті өндірістік нысандарды есепке алу және авариялар мен жарақат алудың деректер банкі көзделгені және бизнес-үдерістерді автоматтандыру, сондай-ақ объектілердегі қауіп-қатерлерді болжауды жүзеге асыратыны аталып өтті.
Жасанды интеллект қауіпсіз әрі интеллектуалды еңбекке жол ашады-Ж.Мәдиев
«Өндірістік нысандарға мониторинг жүргізу мен оларды бақылау жүйелерінің интеграциясы жалғасып жатыр. Өткен жылы Мемлекет басшысының тапсырмасы бойынша 55 шахта мен кен орны тексерілді. Оның ішіндегі 45 объектіде жаңа қауіпсіздік жүйелері орнатылды. Бүгінгі таңда 14 шахта мен кен орнындағы бейнебақылау және позициялау жүйелері Министрліктің Дағдарыс орталығына қосылған, бұл жағдайды бақылап, жедел ден қоюды онлайн режимінде жүзеге асыру мүмкіндік береді», деді Ш. Әрінов.
Айта кетейік, өндіріс орындарында болатын жазатайым оқиғаларға байланысты дау азаймай тұрғаны айтылған.