Кеше Елбасы Нұрсұлтан Назарбаев Швейцарияның Федералдық Президенті Дорис Лойтхардпен телефон арқылы сөйлесті, деп хабарлады Қазақстан Республикасы Президентінің баспасөз қызметі.
Әңгімелесу барысында мемлекет басшылары алдағы уақытта, 16-17 шілдеде Алматыда өтетін ЕҚЫҰ-ға мүше мемлекеттердің сыртқы істер министрлерінің бейресми кездесуін есепке ала отырып, Еуропадағы қауіпсіздік және ынтымақтастық жөніндегі ұйымның күн тәртібіндегі мәселелер жөнінде пікір алмасты.
Тараптар екі елдің халықаралық қаржы институттарындағы ынтымақтастығының перспективасын, сондай-ақ екіжақты сауда-экономикалық ынтымақтастықты одан әрі дамытудың жолдарын талқылады.