АЛМАТЫ.15 мамыр. Ертең Оңтүстік Қазақстан облысының фермерлері Алматыда ауыл шаруашылығы жәрмеңкесін өткізеді. Алматылықтарға ұсынылатын тауарлардың бағасы базар бағасынан 15-20 пайыз төмен болады. Бұл туралы egemen.kz хабарлады.
Жәрмеңке сөрелеріне ет пен сүт, жеміс-жидек, көкөніс, шұжық, ұн мен жарма, сұйық май, барлығы – 45 түрлі ауыл шаруашылығы өнімдері қойылады. Қазірдің өзінде Шымкенттен Алматыға 56 тонна ет, 5 тонна сүт өнімдері, 75 тонна көкөніс және басқа да барлығы 100 миллион теңгенің тауарлары жеткізілді. Жәрмеңкеге Оңтүстік Қазақстан облысының 14 ауданының фермерлері өнімдерін ұсынып отыр.
Жәрмеңке әдеттегідей Төлеби көшесі мен Абылайхан даңғылының қиылысқан жеріндегі «Астана» алаңында өтеді.
Талғат Сүйінбай.
Дерек, сурет: egemen.kz.