АСТАНА. 5 сәуір. Әлем бойынша 2070 жылға қарай ислам дінін ұстанушылар мен христиан дініндегілер саны теңеседі. АҚШ-тың Rew Research Center деген зерттеу орталығы осындай болжам жасап отыр. Бұл туралы rosbalt.ru хабарлады.
Мамандардың айтуынша, 2100 жылы жаһан тұрғындарының ішінде мұсылмандар қатары көбейетін көрінеді. Нақтылай айтқанда, мұсылмандар – 35, христиандар 34 пайыз болмақ.
Қазіргі есеп бойынша, жер шарында христиандар саны басым. Дегенмен, аталмыш орталықтың болжамына сүйенсек, 2050 жылы христиандар саны 35 пайызға артып, 2,92 млрд. адамға жетуі ықтимал, ал мұсылмандар қауымы 73 пайызға өсіп, 2,76 млрд, адамды құрауы мүмкін.
Сондай-ақ, атеистік көзқарастағылар азаятыны және будда дініндегілер қатары өсе қоймайтыны да аталмыш орталық тарапынан болжаныпты.
Жолдыбай Базар.
Дерек: rosbalt.ru.
Сурет: news.nur.kz.