Бейбарыс пен Ермахан

«Төтенше жағдайдағы ерлігі үшін» төсбелгісімен марапатталды Өткен жылдың жазында Құр­манғазы ауданында тұратын Ер­махан мен Бейбарыс есімді қос өреннің өзенге батып бара жатқан әйелді құтқарғаны туралы жазған едік. Сол оқиғаны қысқаша баяндар болсақ, жаздың аптап ыстығында суға түсіп, бой сергітуге келген олар көмек сұраған әйелдің дауы­сын естіген. Қас-қағым сәтте екеуі де өз өмірлерін қатерге тігіп, өзен­ге секіреді. Сөйтіп, көмек күтіп ар­палысқан анасындай жанды судан алып шыққан. Олардың ерлікке па­ра-пар ісі ескерусіз қалмады. Екеуі де «Төтенше жағдайдағы ерлігі үшін» төсбелгісімен марапатталды. Бұрнағы күні облыс әкімі Бақтықожа Ізмұхамбетов алыс ауданда тұратын Ермахан мен Бейбарысты Атырауға арнайы шақырды. Өңір басшысы қыс мезгіліндегі төтенше жағдайлардың алдын алу және жоюдың іс-шаралары туралы мәселеге қаныққан облыстық мәслихат депутаттары алдын­да Ермахан Насихан мен Бей­барыс Қайроллаұлына атал­ған төсбелгілерді тапсырды. Сонымен бірге, ержүрек ба­лаларға бағалы сыйлықтар ұсынды. АТЫРАУ. Суретті түсірген Рахым ҚОЙЛЫБАЕВ.