АҚТАУ. 28 қаңтар. Ақтауда сәбиін құтқармақ болған анаға қарақшы 1 млн. теңге көлемінде шығын келтірді. Бұл туралы tumba.kz сайтына сілтеме жасаған egemen.kz тілшісі хабарлады.
Бұған дейін хабарлағанымыздай, Ақтаудағы пәтерлердің біріне алдап кіріп, құндақтағы сәбиге тапанша кезену арқылы үй иесін қорқытқан қарақшы одан қымбат заттарды талап еткен болатын. Құқық қорғау орындарының мәлімдеуінше, сәбидің анасы қарақшыға 450 мың теңге ақша мен алтын әшекейлерін берген. Қарақшының жалпы пайдасы 1 млн. 94 мың теңге көлемінде болып тұр. Қазіргі таңда фоторобот арқылы қылмескердің 1982 жылы туылған Өзбекстан азаматы екені нақтыланып, іздестіру жұмыстары тек Ақтау қаласы мен оған жақын маңдардағы елді мекендерде ғана емес, алыстағы ауылдарда да жүргізілуде.
Гүлайым Шынтемірқызы.
Дерек: tumba.kz.
Сурет: aktau-mangistau.kz.