[caption id="attachment_23855" align="alignnone" width="560"] ????????????????????????????????????[/caption]
Кеше Астанада «Бірлік» партиясының сайлауалды штабы ашылды. 10-ға тарта қызметкер жұмыс істейтін штаб барлық қажетті техникалық құралдармен жабдықталған. Сондай-ақ, сайлаушыларды қабылдайтын арнайы бөлмелермен жасақталған.
Саяси партияның сайлауалды штабтары әзірге еліміздің
8 өңірінде және Алматы мен Астана қалаларында ашылып отыр. Аптаның соңына дейін мұндай штаб еліміздің барлық аймағында өз жұмысын бастамақ. Партия төрағасының орынбасары Төлеген Қуанышев: «Астанадағы бас кеңсе мен облыс орталықтарындағы филиалдардың он-лайн режімде жедел ақпарат алмасуына қажетті жағдай жасалған. «Бірлік» партиясы сайлаушылардың көкейкесті сұрақтарына жауап беруге дайын», – дей келе, партия өкілдері сайлау науқаны кезінде үгіт-насихат шараларын заң аясында жүргізетіндігін жеткізді.
«Бірлік» партиясы төрағасының тағы бір орынбасары Болат Байқадамов сайлауалды штабтың ашылу кезінде салтанатты түрде лента қиды.
Ләйла ЕДІЛҚЫЗЫ,
«Егемен Қазақстан».