Үш жылда 273 баспана

асыраушысы жоқ жетім балаларға берілді Соңғы үш жылда Павло­дардағы асыраушысы жоқ 273 бала баспанамен қамтылды. Сондай-ақ, 5 студент 9 ай бойы Мальта елінде білімдерін же­тілдіріп келді. Бұл жайында облыстық мәслихаттың хатшысы Владимир Берковский өңірлік қоғамдық кеңес отырысында мәлімдеді. – Бүгінде жастар үйіндегі барлық тәрбиеленушілер арнайы курстардан өткізіліп, кә­сіби маман ретінде еңбекке тартылуда. Әрине, бұл орайда жастардың жұмысқа орналасуына аймақтағы де­путаттардың тікелей ықпалы болды. Сон­дай-ақ, жетім балаларды пат­ро­наттық тәр­биеге алғысы кел­ген 18 отбасы өтініш берді, – деді мәс­лихат хатшысы. Сонымен қатар, депутат Мальта елінен білім алып келген 5 студент жайлы да айтты. «Олар – деді, В.Берковский – кәсіби маман ретінде шебер­ліктерін шыңдап келді. Білімдерін же­тіл­дірді. Енді бұл жастар Пав­лодардағы мұ­най өңдеу зауытында жұмыс істейді. Жалақы алып, өз күн­дерін өздері көріп жүр». Төребек ТҰРМАНОВ.