Әскери техниканы жөндеу

бойынша қазақстандық зауыт халықаралық нарыққа шығуда Үстіміздегі жылы қазақ­стандық «Семей инжиниринг» АҚ зауыты халықаралық нарыққа шығуды жоспарлауда. Отандық кәсіпорынның бұл бағыттағы жоспарына Т-72 танктерін, жаяу әскердің жауынгерлік машинасы (БМП-1) мен стандартты және жаңғыртылған БТР-70 бронды транспортерлерін іске асыру кіреді. Зауыттың халықаралық на­рық­қа шығуы дамудың жаңа мүмкіндіктерін ашады. Сонымен бірге, кәсіпорын Қазақстан Қарулы Күштері үшін жаңа тапсырысты іске асыруға әзір. Бүгінгі күні мүлік жеткізушілермен келіссөздер өткізілді және ресейлік «Уралвагонзавод» ҰӨК-пен, украиналық «Укрспецэкспорт» ААҚ-пен келісімшарт жасалды, сондай-ақ, «140-шы жөндеу зауыты АҚ-пен (Белоруссия) және «Қазимпекс» ЖШС-мен шарт жасасу бойынша келіссөздер өткізілуде. Жақын арада Қазақстан Қару­лы Күштерінің мемлекеттік қор­ғаныс тапсырысы шеңберінде кәсіпорынмен алдағы өндірістік және технологиялық үдерістерді игеру және өндірістік жоспарды нақтылау жөнінде үстіміздегі жылға арналған жұмыс жүргізіледі. Бүгінде «Семей инжиниринг» – «Қа­зақстан инжиниринг» АҚ-тың еншілес кәсіпорны. Ол бронды танк техникасын күрделі жөндеуден өткізетін және конвер­сиялық техниканы дайындайтын Қазақстандағы бірден-бір зауыт болып табылады. Оның қызметінің негізгі түрлері жаяу әскердің жа­уын­герлік машиналарын, бронды транспортерлерді күрделі, орташа және регламенттік жөндеу, танктерді, жауынгерлік барлау-десанттық машинасын, т.б. жөндеу болып табылады. Кәсіпорын, со­нымен қатар, Т-72 танктерін жаңғырту, әскери және әскери-инженерлік техниканың базасында конверсиялық техниканы күрделі жөндеумен және дайындаумен айналысады. Бүгінгі күні зауытта 600-дей адам жұмыс істейді. «Егемен-ақпарат».