АСТАНА. 14 наурыз. Қазақстандық теннисші Андрей Голубев Швецияның Йенчепинг қаласында өткен Challenger турнирінің жеңімпазы атанды. Бұл туралы 24.kz-ке сілтеме жасаған egemen.kz тілшісі хабарлады.
Шешуші сында ATP рейтингінде 208-орында келе жатқан Голубев әлемнің 146-ракеткасы, ресейлік Карен Хачановпен кездесті. 2 сағат 44 минутқа жалғасқан тартысты бәсекеде қазақстандық теннисші 6:7, 7:6, 7:6 есебімен жеңіске жетті.
Бұл жеңіс отандасымыз үшін мансабындағы бесінші және осы маусымдағы алғашқы Challenger жүлдесі. Бұған қоса, Голубев 6150 доллар сыйақы мен 90 рейтингтік ұпайға ие болды.
Еламан Қоңыр.
Дерек, сурет: 24.kz.