Құрметті отандастар!

Қазақстан халқы Ас­самблеясы сіз­дерді жаңару мен жасам­паз­дықтың бас­тауы, ырыс пен берекенің арқауы – Наурыз мейрамымен құттықтайды! Биыл Қазақстанның барша халқы Наурыз мейрамын Тәуелсіздіктің торқалы 25 жылдық мерейтойы қарсаңында атап өтеді. Осы жылдар ішінде Наурыз мейрамы жалпыхалықтық мерекеге, халқымыздың достығы мен бірлігінің дәстүріне айналды. Наурыз мейрамы бізді қайырымдылық пен мейірімділікке, ізгілік пен жанашырлыққа шақырады. Барша қазақстандық этностардың сүйікті мерекесі – Наурыз мейрамы бейбітшілік пен келісімді, татулық пен ынтымақты бейнелейді. Дана халқымыздың ұлттық рухының негізін қалайтын, ғасырлар бойы атадан балаға аманат ретінде берілетін бұл құндылықтар еліміздің Тұңғыш Президенті – Елбасының бейбітшіл сая­сатымен үндескен. Осының арқасында елімізде бейбітшілік пен өзара түсіністік қалыптасып, бірлік пен татулықты ту еткен, ырысы мен ынтымағы жарасқан халқымыз берекелі өмір сүріп жатыр. Әз Наурыз баршамыздың ортақ Отаны­мызға деген шексіз сүйіспеншілігіміздің, достық пен ізгіліктің жарқын көрінісі болсын! Ардақты ағайын! Бүгінгі қасиетті мерекеде әр қазақ­стан­дықтың шаңырағына ізгілік пен мейірім ұя­ла­сын, босағасынан бақыт пен құт-береке аттасын, дастарқаны ырыс пен молшылыққа толсын! Сіздерге және жақындарыңызға мықты ден­саулық, амандық және толағай табыстар тілейміз! Ұлыс оң болсын! Ақ мол болсын! Ұлыстың Ұлы күні құтты болсын! Қазақстан халқы Ассамблеясының Кеңесі