Жас ақындар жарқылы

Қазақстан халқы Ассам­блея­сы ғимаратында «Болашаққа 25 қадам» іс-шаралар кестесінің «Бабалар ізімен» атты тарихи-мәдени жобасына сәйкес, «Ұлы Дала жастары – Тәуелсіздікті жырлайды» атты жас ақындар айтысы өтті. Жас таланттар ара­сындағы жыр сайысын облыстық жастар саяса­ты бас­­қармасы, облыстық жас­­­тар ресурстық орталығы жә­не С.Бәйішев атындағы Ақ­төбе уни­верситеті Қазақстан Рес­пуб­ликасы Тәуелсіздігінің 25 жылдық мерейтойына жә­не Әлихан Бөкейхановтың туға­нына 150 жыл толуына орай бір­лесіп ұйымдастырды. Ұлттық өнерді өмірлеріне серік еткен талантты жастардың арасында оқушы да, студент те болды. Сөз сайысына түскен сегіз ақынның толғаған тақырыптары, сөз саптаулары, тың ұйқастары қазылар алқасы мен көрер­мен­нің көңілінен шықты. Сайыс қорытындысы бойын­ша бас жүл­дені облыстық халық шы­ғар­машылығы Үйінің «Жас айтыс­керлер» үйірмесінің тың­дау­шысы Жақсылық Әлихан қан­жығасына байлады. Бірін­ші орынды М.Құсайынов атын­дағы дарынды балаларға ар­нал­ған мек­теп-интернаттың 9-сынып оқу­шысы Нұрбол Жау­ын­баев, екінші орынды Қ.Жұбанов атындағы Ақтөбе өңір­лік мемлекеттік уни­­вер­си­теті филология фа­куль­те­тінің 2-курс студенті Қайыр­хан Жұ­баниязов, үшінші орынды Қ.Жұбанов атындағы Ақ­төбе өңір­лік мемлекеттік уни­верситеті фи­лология фа­куль­тетінің 3-курс сту­денті Қай­­рат Қойшыбаев иелен­ді. Жеңім­паздар мен жүл­де­герлерге бағалы сыйлықтар тапсырылды. С.Бәйішев атындағы Ақтөбе университетінің 20 жыл­дығына орай тағайындалған 20 мың теңге арнайы сыйлықты Сазды орта мектебінің 10-сынып оқушысы Здиха Наурызалина олжалады. Қатысушылардың барлығы, дип­лом, алғыс хаттармен марапатталды. Сатыбалды СӘУІРБАЙ, «Егемен Қазақстан». Ақтөбе облысы.