Астанада қалалық әділет департаменті бастығының міндетін атқарушы пара алды деген күдікпен ұсталды. Бейсенбі күні жемқорлыққа қарсы күрес ұлттық бюросының хабарлауынша, мұны ол нотариалдық қызмет жасауға рұқсат беру барысында алған.
Хабарламада қалалық әділет департаменті бастығының міндетін атқарушы А.Рақышевтің департамент бөлім басшысы М.Құсайыновпен және қала нотариалдық палатасының төрағасы Ж. Арыстановпен қылмыстық келісімге келе отырып, жеке тұлғаға нотариалдық іс-әрекетті жүзеге асыруға рұқсат ететін лицензия беру үшін одан 8 мың доллар пара алғаны атап көрсетілген.
Қазіргі таңда аталған шенеунік уақытша ұстау оқшаулағышында отыр. Сотқа дейінгі тергеу амалдары басталып кетті.
Мұрат АЙТҚОЖА