АСТАНА. 24 сәуір. Боксшы Геннадий Головкиннің анасы Елизавета Головкина америкалық Доминик Уэйдпен болған жекпе-жекте баласына қолдау көрсеткен барлық отандастарымызға алғыс айтты. Бұл туралы egemen.kz тілшісі хабарлады.
«Қазір мен қатты қобалжып отырмын. Гена рингтен босаған соң ең алдымен маған хабарласып, қуанышымен бөліседі. Мен ұлымның барлық жекпе-жегін қалдырмауға тырысамын. Әр кезде уайымдап отырамын. Барлық қазақстандықтарға қолдау көрсеткендері үшін үлкен алғысымды білдіремін», деді Геннадий Головкиннің анасы Елизавета Головкина.
Дастан Кенжалин.
Дерек, фото: egemen.kz.