АТЫРАУ. 29 сәуір. Атырау облысының Құрманағазы ауданының әкімі болып Бибоз Шаяхметов тағайындалды. Бүгін облыс әкімі Нұрлан Ноғаев аудан активіне жаңа әкімді таныстырды. Бұл туралы egemen.kz тілшісі хабарлады.
Президент Әкімшілігінің және аудандық мәслихат депутаттарының келісімі бойынша, облыс әкімі Нұрлан Ноғаевтың өкімімен Құрманғазы ауданының әкімі болып тағайындалған Бибоз Шаяхметовтің жасы 56-да. Батыс Қазақстан ауыл шаруашылығы институтын бітірген.
Еңбек жолын 1976 жылы Қызылқоға ауданындағы «Казсельхозтехника» бірлестігінде жөндеуші болып бастаған. 1983-1990 жылдары Қызылқоға аудандық қаржы, жоспарлау бөлімдерінде, «Миялы автотранстпорт» кәсіпорнында аға экономист, аудандық комсомол комитетінде екінші, кейін бірінші хатшы болып істеген. 1990-1999 жылдары аудандық халықтық бақылау комитетінде инспектор, аудандық партия комитетінде нұсқаушы, аудандық қаржы бөлімінде ауыл шаруашылығы жөніндегі аға экономист, аудандық төлем орталығында бірінші санаттағы маман, аудандық экономика басқармасының бастығы, аудан әкімінің орынбасары қызметтерін атқарған.
1999-2016 жылдары Қызылқоға аудандық экономика, инвестиция және кәсіпкерлікті қолдау бөлімінде, аудандық коммуналдық меншік, құрылыс, көріктендіру және тұрғын үй шаруашылығы бөлімінде, аудандық қала құрылысы, құрылыс, тұрғын үй-коммуналдық шаруашылық, жолаушылар көлігі және автомобиль жолдары бөлімінде бөлім меңгерушісі, Қызылқоға ауданы әкімінің орынбасары болып істеген.
«Үздік мемлекеттік қызметші» төсбелгісімен марапатталған.
Жолдасбек Шөпеғұл.
Дерек, фото: egemen.kz.