Рахмет саған, Ұлы Дала елі!

Егемен Қазақстан
01.03.2018 2894
2

Қазақстан қашаннан да ұлттар достығының алтын бесігі саналды. Айрандай ұйыған татулық пен бірліктің, ынтымақ пен берекенің ұйытқысы бола білді. Қазақ халқы өзінің даласының кеңдігіндей, бабасының өрлігіндей дархан халық. Тағдырдың түрлі сынағын бастан кешкен халықтар жан-жақтан ағылып келгенде, бауырмалдық танытып, барша жұрттың баласына құшағын кең ашты. Олар қазақ даласында өсіп-өркендеп, кеңге қанат жайды. Сан тарау тағдырлар көктемде бүр жарған гүлдей осы құтты даладан бақыт тапты. Сондықтан көктем мезгілінің алғашқы күні алғыс күні деп жариялануы тегін емес. Бұл күн қоршаған әлеміңе, жақындарыңа жүрегіңнен шыққан жарқын тілегіңді жеткізіп, ақ адал алғысыңды білдіріп, Отан ананың перзенті екеніңді сезіндіретін күн.

Нағыз алғыс – жылы жүректен, риясыз көңілден шығатын әдемі сезім. Бұл адам баласының бүкіл жан дүниесінің айнасы іспетті. Ортақ Отанымызды мекендеген түрлі этнос өкілдерінің барлығы бұл күні қасиетті қазақ даласына, бауырмал қазақ халқына алғысын білдіреді. Қысылтаяң күн туғанда тарыдай бытырап келгендерді қонақжайлықпен қарсы алуы қазақ жұртының жүрегінің дариядай кеңдігін аңғартса керек. Олар осы жақсылықтың барлығын алғыс алу үшін емес, адамдар арасындағы ізгілік пен жанашырлықтың керуені тоқтамасын деп жасады. «Адамзаттың бәрін сүй бауырым деп» дейтін хакім Абай сөзінен терең тамыр алған әр қазақ баласы обал мен сауаптың, жақсы мен жаманның парқын бір кісідей біледі.

Бабаларының ата-жұртында шат-шадыман өмір сүріп жатқан менің аталарым да басқа күрдтер сияқты өткен ғасырдың жиырмасыншы жылдары ел басына екіталай күн туғанда, сол кездегі саясаттың, халықтар арасындағы қақтығыстардың салқынымен туған топырағын қиюға мәжбүр болыпты. Ол кезеңдерде күрдтердің бір бөлігі Әзербайжанды, енді бір парасы Грузия мен Арменияны паналады. Бас біріктіріп, туған топырағына қайта оралар деп қауіптенген Сталин 1937 жылы халқымызды тарыдай бытыратып жан-жаққа көшірді. Тарих парағында ашылмаған қаншама қатпарлы сыр бар. Жұртымыз жан аярлық ауыр халді бастан өткерді. Қыс айларының қақаған аязында өзімен бірге дүние-мүлкін де алып кетуге рұқсат бермей, вагондарға тиеп Орталық Азияға аттандырады. Жол азабынан қаншама қарттар мен бейкүнә сәбилер қырылды. Осындай жүк вагондардың бірімен менің ата-анам да өздері үшін мүлде бейтаныс Қазақстанға келді. Өздері де қиын күйді бастан өткеріп жатқан қазақтар ештеңеге қарамастан, ашыққанға жарты нанын бөліп беріп, тарыққанға шекпенін шешіп берді, енді бірі өз үйлеріне паналатты.

Сексенінші жылдардың соңында армяндар мен әзербайжандар арасындағы қақтығыс өршіп тұрған шақта, бұған мүлде қатысы жоқ күрдтердің басына ала бұлт үйірілді. Өйткені күрдтердің Алиев, Мамедов деген сияқты бірқатар фамилиялары әзербайжандарға ұқсайтын. Біздің халықты негізсізден- негізсіз әзербай­жандар деп санағандықтан, қайта мекен ауыстыруға тура келді. Біз Қазақстанды таңдадық.

Бұл кезде әкем дүниеден өткен. Анамның сондағы айтқан бір ауыз сөзі әлі күнге есімде. Ол маған қарап тұрып: «Қазақстанға кеттік, ол жердің халқы өте жақсы, басымызға іс түскенде олар бізге көмек қолын созған болатын» деген еді. Бір жағынан осында тұрып жатқан таныс күрдтер де бар еді. Олардың ішінде күрдтерден шыққан тұңғыш академик Надир Надиров, халыққа қадірлі ақсақал Апе Зия Бадырхан, Қазақстанның құрылыс саласының майталманы Ширин Мустафаев сияқты азаматтар болатын. Олар­дың барлығы Қазақ елінде елеулі еңбек етті, Қазақ­станды Отаным деп санады.

Қилы кезеңдерде жан-жаққа шашыраған халқымыз әр ұлттың арасында жүріп өзінің ата-дәстүрінен, ана тілінен ажырап қала жаздағаны бізді қатты алаңдатты. Осы олқылықтың орнын толтырып тарихымызды тіріл­тіп, ұлттық құндылықтарымызды сақтау үшін Қазақстан халқы Ассамблеясына қарасты өз қауым­дас­тығымызды құрдық. Тамырымызға қайта қан жүгіргендей болды.

Халықтардың бірлігін сақтап, достығын нығайтуда Елбасы Нұрсұлтан Назарбаевтың бастамасымен құрылған Қазақстан халқы Ассамблеясының алатын орны ерекше. Ассамблея көптеген дәстүрлер мен мәдениетті бір арнада тоғыстырған біздің ортақ үйімізге айналды. Қасиетті қазақ жазирасын мекендеген барша қандастарымның атынан Ұлы Дала еліне, Елбасына риясыз көңілден алғыс білдіремін. Бәріміздің ортақ мақсатымыз Қазақстанымыздың гүлденуі болашақ ұрпақтарымыздың жарқын өмірі.

Рахмет саған, Ұлы Дала елі...

Князь МИРЗОЕВ,

«Барбанг» Қазақстан күрдтері қауымдастығының төрағасы, Қазақстан халқы Ассамблеясы кеңесінің мүшесі, академик

* * * * *

Алғысым шексіз

Әрбір адамның өзінің ерекшелігі, қызығушылығы мен сенімі бар. Бірақ біздің барлығымызды бір нәрсе біріктіреді. Бұл – тату-тәтті өмір сүруге деген құлшыныс. Осы үшін бізге бір-бірімізге деген толеранттылық пен төзімділік ауадай қажет. Алғыс айту күнінің ең негізгі мақсаты осы болса керек.

 Мен бүгін барша Қазақстан халқына, осында тұратын күллі азаматтарға бейбітшілік пен келісімде өмір сүріп жатқанымыз үшін алғыс айтқым келеді. Мұның барлығы Н.Назарбаевтың сарабдал саясатының арқасында мүмкін болып отыр.

Менің ұлтым – татар, жолдасым – орыс. Ұлты­мыз әртүрлі болғанымен бұл біздің отбасын құрып, бала тәрбиелеуімізге кедергі келтірген жоқ. Жоғары білімді Ресейде алдым, бірақ бұл менің Қазақстан­да өмір сүріп, жұмыс істеуіме еш қиындығын туғызған жоқ.

Біздің қоғамда ұлтына, наным-сенімі мен білім деңгейіне қарамастан, адамдар бір-біріне құрмет­пен қарайды. Мен Елбасының «Бұл күн барша қазақ­стан­дықтың бір-біріне деген мейірімділігінің, достығы мен құрметінің жарқын мейрамына айналуы тиіс» деген сөзімен толықтай келісемін. Осындай кеңпейілді халықтың арасында өмір сүріп жатқаныма әрқашанда алғыс айтамын.

Елена МАКСЮТА,

Жоғарғы соттың судьясы

СОҢҒЫ ЖАҢАЛЫҚТАР

24.01.2019

Медициналық қызметтің 25 түріне eGov.kz арқылы қол жеткізуге болады

24.01.2019

«Мақаш правитель» туралы кітап қазақшаға аударылды

24.01.2019

Ақтөбеде «Қайырымдылық керуені» республикалық байқауы басталды

24.01.2019

Президент кейбір Жарлықтарға өзгерістер мен толықтырулар енгізді

24.01.2019

25 қаңтар күні үш облыста ауа райы бұзылады

24.01.2019

«ҚТЖ» ҰК» АҚ басшысы Сауат Мыңбаев «Қорғас-Шығыс қақпасы» АЭА нысандарында болды

24.01.2019

2021 жылға дейін ауыл емханалары толығымен электронды форматқа көшеді

24.01.2019

Ольга Довгун Токио олимпиадасы қарсаңындағы басты міндеттерді атады

24.01.2019

Басқа басылымдардан: Қазақстанда Жастар жылы ашылды

24.01.2019

Астананың инвесторлар үшін тартымдылығы артты

24.01.2019

Астана экономика құрылымында ШОБ үлесі бойынша көш бастап тұр

24.01.2019

Астанада әлемдік сауда орталығы салынады

24.01.2019

Ақтөбе облысында «7-20-25» бағдарламасы бойынша 202 өтінім мақұлданды

24.01.2019

Астық пен ұн тасымалдауды қамтамасыз ету – «ҚТЖ» ҰК» АҚ ерекше бақылауында

24.01.2019

Қызылордада балық өсіруге субсидия бөлінді

24.01.2019

«Жастар жылындағы жетістігің» акциясы желтоқсанға дейін жалғасады

24.01.2019

Жетісу университетінде Жастар орталығы құрылды

24.01.2019

Өткен тәулікте елордадан 17 мың текше метрден астам қар шығарылды

24.01.2019

Елордаға 2 мың тонна көмір жеткізілді

24.01.2019

Франция елшісінің кеңесшісі Лор Кастен: «Мен үшін Қазақстан – Абай!»

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу