Таңертеңнен тыным таппайтынбыз
<p style="text-align: justify;">Қазпошта саласында 30 жылдай еңбек етіп, зейнетке шықтым. Ол заманда жұмысты техниканың күші­мен емес, барлығын өз қолымыз­бен істейтінбіз. Әр пошта мекемесіне газет-журнал жеткізуге арнайы кө­лік­тер келетін.</p>
Пошташылар өздерінің сөмкелеріне сыйғанынша газет-журнал, хат-хабарды салып, күнде қала кезіп жүретін. Шаһардың әр аудан, көшелерінде арнайы пошта жәшіктері орнатылып, есігі құлыптанатын. Тәуелсіздіктің алғашқы жылдары хат, сәлемдеме өте көп болғандықтан бос отыруға уақыт болмайтын. Поштаға келген тұрғындарға дұрыс қызмет көрсетуге тырысатынбыз.
Осы саладағы еңбегімді елеп ескеріп, өңірден Мәскеуде өткен Кеңестер Одағының алқалы жиындарына делегат болып қатысып қайттым. Осы салада тапжылмай жұмыс істеп 2008 жылы ұжымдастар он бірінші пошта бөлімшесінен құрметті зейнеткерлікке шығарып салды.
Амангүл БЕЙСЕНОВА,
зейнеткер, пошта саласының үздік маманы