Алыс ауылдарды да интернетпен қамтимыз
<p style="text-align: justify;">«SpaceX» компаниясы бірнеше жыл бұрын «Starlink» ғаламдық спутниктік жүйесін дамыта бастағаны белгілі. Бұл желісі нашар, қымбат немесе мүлдем қолжетімсіз жерлерде спутник­тің көмегімен жоғары жылдамдықты кең жолақты интернетке қолжетімділікті қамтамасыз етуге арналған. «Starlink» алғашқы лицензиясын алғаннан кейін бес жылдан кейін бес мыңнан астам жерсерік ұшырылды.</p>
2022 жылғы дерекке сүйенсек, адамзаттың үштен бірі әлі де болса интернетке қосылмаған, азаматтардың көбінде тек негізгі интернет байланысы ғана бар. «Starlink» осы дүниелерді жақсартуға мүмкіндік береді. Жалпы, байланыс дегеніміз – өте күрделі мәселе. Бұған қосылу мүмкіндігі немесе инфрақұрылымның болуы аздық етеді. Бұл жерде технологиялардың қаржылық қолжетімділігі, технологияларды пайдалану мүмкіндігі де маңызды. Әсіресе соңғысына басымдық берген абзал.
Біз ұсынып отырған «Starlink»-ті орнату оңай. Оны қораптан шығарып, көкке бағыттап, интернетке қосыласыз. Болды. Құрылғылардың бәрі бір қораппен келеді. Құрылғы деп отырғаным – қарапайым «Starlink» жиынтығы. Оған Wi-Fi модемі және розетка сымы кіреді. Негізі мұндай кідірісі аз кең жолақты қолжетімділікті алу үшін үлкен жабдық, оны орналастыру үшін ұзақ уақыт қажет. Ал «Starlink»-ті рюкзакқа салып, көлікпен алып жүруге болады. Қысқасы, өте тиімді.
Айтпағым, «Starlink» Қазақстанның елді мекендерін интернетпен қамтамасыз етуде тиімді қадам бола алады. Бұл шалғайдағы ауылдар бетпе-бет келіп отырған байланыс мәселесін ойдағыдай шешуге жол ашар еді. Біз телекоммуникация және IT-инфрақұрылым саласындағы басқа да бағалы бастамаларды байыта түсер едік.
«Starlink»-тің коммерциялық сатылымы АҚШ-та шамамен үш жыл бұрын басталды. Қазір барлық жеті құрлықтағы 60 елде 2 миллионнан астам клиент бар. Ал нақты пайдаланушылар саны 10 миллионнан асты. Бұл қатарда Қазақстан тұрғындары да болса тамаша емес пе?
Лорен ДРЕЙЕР,
«SpaceX» компаниясының «Starlink» мәселелері жөніндегі вице-президенті