Мидың ерекше қабілеті

<p style="text-align: justify;">Швециядағы Каролинска институтының зерттеушілері мидың ерекше қабілетін анықтады. Ми терең ұйқы кезінде арнайы лимфа жүйесі арқылы өзін «ақпараттық қалдықтардан» тазартады.</p>

Бұл үдеріс «глимфатикалық жүйе» деп аталады. Ұйқы кезінде ми жасушалары қуатталып, біз таңертең сергек оянамыз. Сонымен қатар, мидағы жаңа ақпараттар естелікке айналып, қажетсіз синапстар жойылады. Яғни ми өзін-өзі тазалап, қайта құрылымдалады. Бұл үдерісте Альцгеймер ауруымен байланысты бета-амилоид секілді ақуыз шоғырлары да тазартылады. Демек ұйқы – тек тынығу емес, ол – мидың қалпына келу мен өзін-өзі күтіп ұстау кезеңі.

Айым КҮЗЕМБАЙ,

ЕҰУ студенті