Блогердің жазбасынан кейін Рудный ауруханасына жоспардан тыс тексеру басталды
<p><strong>Блогер Татьяна Турлай жариялаған деректерге байланысты Денсаулық сақтау министрлігінің <span class="hover:entity-accent entity-underline inline cursor-pointer align-baseline"><span class="whitespace-normal">Медициналық және фармацевтикалық бақылау комитеті</span></span> «Рудный қалалық көпбейінді ауруханасы» КМК қызметіне қатысты жоспардан тыс тексеру басталғанын хабарлады, деп жазады <a href="/" target="_blank" rel="noopener noreferrer">Egemen.kz.</a></strong></p>
Комитет мәліметінше, тексеру аясында медициналық ұйымның қызметіне аудит жүргізіліп, дәрілік препараттар мен медициналық бұйымдармен үздіксіз қамтамасыз ету мәселесі жан-жақты зерделенеді. Ведомство өкілдері аталған жағдай комитет басшылығының жеке бақылауында екенін атап өтті.
Қостанай облысы денсаулық сақтау басқармасының ақпаратына сәйкес, қазіргі уақытта Рудный қалалық көпбейінді ауруханасы бөлімшелері халыққа медициналық көмек көрсету үшін қажетті дәрілік заттармен және медициналық бұйымдармен жеткілікті көлемде қамтамасыз етілген.
Тексеру нәтижесі бойынша халыққа сапалы әрі уақтылы медициналық көмек көрсету мақсатында Комитет тиісті шаралар қабылдайтынын мәлімдеді.