Фото: видеодан алынған кадр
Нысан қабылдау-диагностикалық, шұғыл медициналық көмекті, хирургиялық және терапиялық, реанимация және қарқынды терапия бойынша, сондай-ақ қалпына келтіру емі және оңалту қызметтерін бір кеңістікте біріктіретін бірыңғай заманауи медициналық кешен ретінде қызмет көрсетуге бейімделеді.
Сондай-ақ медициналық нысанның есігі ашылғанда жергілікті жерде мамандандырылған және жоғары технологиялық медициналық көмек көрсету мүмкіндіктерін едәуір кеңейтіп, ем алушыларды басқа өңірлерге жіберу көрсеткішін төмендетеді.
Медициналық кешен қолданыстағы стандарттарға сәйкес заманауи жоғары технологиялық жабдықтармен жасақталады.
Жоба аясында өңірге білікті дәрігерлерді тартып, кадр тапшылығын азайту да көзделген.
