Иран Қытай кемелеріне Ормұз бұғазы арқылы өтуге рұқсат берді

<p><strong>Иран Ормұз бұғазы арқылы Қытайдың бірқатар кемелеріне өтуге рұқсат берді. Бұл шешім Қытай Сыртқы істер министрі мен Ирандағы Қытай елшісінің өтініштерінен кейін қабылданған, деп жазады <a href="/" target="_blank" rel="noopener noreferrer">Egemen.kz</a>.</strong></p>

Tasnim агенттігінің хабарлауынша, тараптар белгілі бір қытай кемелеріне Иран тарапынан белгіленген тәртіптер мен хаттамалар келісілгеннен кейін бұғаздан өтуге мүмкіндік беру туралы уағдаласқан. Кемелердің өтуі өткен түннен бастап іске қосылған.

Мамандардың пікірінше, бұл қадам Ормұз бұғазының саяси қысым құралы ретінде пайдаланылу ықтималдығын азайтып, Тегеранның осы стратегиялық маңызды теңіз жолын басқарудағы ұстанымын күшейтеді.

Ормұз бұғазы әлемдік мұнай тасымалы үшін аса маңызды бағыттардың бірі саналады. Сондықтан ондағы кез келген өзгеріс жаһандық энергетикалық нарыққа тікелей әсер етеді.

АҚШ Иранға Ормұз бұғазын кезең-кезеңімен ашуды ұсынды

АҚШ президенті Дональд Трамп қазіргі уақытта Бейжіңде сапармен жүр. Ол Қытай төрағасы Си Цзиньпинмен келіссөздер барысында Иранға қатысты жағдайды да талқылаған.

Келіссөз алдында Си Цзиньпин АҚШ пен Қытай арасындағы қарым-қатынасқа тоқталып, ынтымақтастықтың маңызын атап өтті.

«Қытай мен АҚШ бәсекелес емес, серіктес болуы тиіс», деді Қытай басшысы.

Ормұз дағдарысы әлемдік әуе қатынасын қысқартты: 13 мың рейс тоқтатылды