Илон Маск Францияда қамауға алынуы мүмкін

<p>Франция құқық қорғау органдары X әлеуметтік желісінің иесі Илон Маскқа қатысты тергеу нәтижесінде оны қамауға алу ордерін шығаруы мүмкін. Бұл туралы Париж прокуроры Лор Бекко телеарна эфирінде мәлімдеді, деп хабарлайды <a href="/" target="_blank" rel="noopener noreferrer">Egemen.kz</a>.</p>

Франция билігі X платформасын экстремизмге жәрдемдесті, адамзатқа қарсы қылмыстарды жоққа шығаруға мүмкіндік берді және балалар порнографиясын сақтады деп айыптап отыр.

«Егер тергеу аяқталғаннан кейін тергеу органдары Илон Маск ісін қылмыстық сотқа жіберуге жеткілікті негіз бар деген қорытындыға келсе және ол шақырту жауап беруші ретінде келмесе, онда заңға сәйкес қамауға алу ордері беріледі», деді Париж прокуроры Лор Бекко.

Илон Маск: Болашақта әр адамның жеке роботы болады

Франция прокуратурасы X компаниясына қатысты қылмыстық істі 2025 жылдың шілдесінде қозғаған. Ақпан айында X-тің Франциядағы кеңсесінде тінту жүргізілді. Наурыз айында Илон Маскты жауап алуға шақырған, алайда ол келмеген. АҚШ Әділет министрлігі Францияның X әлеуметтік желісіне қатысты тергеуіне көмектесуден бас тартты.

Илон Маск күдікті ретінде танылды: Париж прокуратурасы X компаниясына қатысты тергеуді бастады

Айта кетейік, бұған дейін Илон Маск күдікті ретінде танылып, Париж прокуратурасы X компаниясына қатысты тергеуді бастаған болатын.