Көкшетауда 38 жастағы ер адам суға батып көз жұмды
<p>Көкшетаудағы Копа көлінде ер адам суға батып қаза тапты. Сонымен қатар бір әйел адам құтқарылды. Бұл туралы Ақмола облысының Төтенше жағдайлар департаменті мәлімдеді, деп хабарлайды <a href="/" target="_blank" rel="noopener noreferrer">Egemen.kz</a>.</p>
Ведомствоның мәліметінше, қайғылы жағдай Көкшетау қаласындағы Копа көлінде болған. Суға кеткен ер адам 1988 жылы туған.
«Қайғылы оқиға Копа көлінің шомылуға тыйым салынған аумағында болды. Алдын ала мәлімет бойынша, ер адам суға түсу кезінде мас күйінде болған», деді Ақмола облысы ТЖД ресми өкілі Ерсайын Қойшыбаев.
Алакөлде анасы мен қызы суға батып кетті: Құтқарушылар тек қызды аман алып қалды
Куәгерлердің айтуынша, суға екі адам – ер адам мен әйел бата бастаған. Әйелді сол маңда болған адамдар құтқарып қалған, алайда ер адамды аман алып қалу мүмкін болмаған.
Павлодар облысында 67 жастағы зейнеткер суға батып кете жаздады
Маусым айындағы дерек бойынша елімізде шомылу маусымы басталғалы бері су айдындарында 29 адам қаза тапқан. Олардың 16-сы – балалар.