Азиада аламаны

Астана мен Алматыда VII Қысқы Азия ойындарының жарыстары өтіп жатыр

ОТАНДАСТАР ОЛЖАСЫ

Астанада алауы тұтанған  Ақ  Азиаданың жарыстары қос қала­мызда дүрілдеп өтіп жатыр. Кеше кешкісін елорда жұртшылығы мен қала қонақтары  «Қазақстан» спорт сарайында шайбалы хоккейден ерлер арасындағы  Қазақ­стан мен  Қы­тай құрама команда­лары ара­сын­­дағы кездесуді тама­ша­лады. Отан­дас­тарымыз    қар­сы­­лас­тарын 14:1 есебімен ой­сыра­та ұтып, жан­күйер­лерге тамаша жеңіс сыйлады. Қысқы  Азиаданың аясындағы бұл хоккей матчына  Елбасы  Нұрсұл­тан  Назарбаев келді. Патриотизмді күшейтіп, адам­ды рухтандыратын нәрсе ірі спорттық жарыстарда олжа салу екені белгілі. Ал сондай дүбірлі дода өз жеріңде өтіп жатса ше.  Онда оның салмағы тіптен арта түспек. Елімізде байрағы көтеріл­ген Қыс­қы  Азия ойындарындағы әрбір жеңіс елге, жерге деген отаншыл­дық рухын тіптен көтере түсеріне күмән жоқ. Соның ішінде қысқы ойындардың патшасы саналатын шайбалы хоккейдің орны тіптен ерекше. Спорт жана­шырлары ара­сын­да әлдеқашан мо­йындалған бұл ойынның жан­күйерлері көп болатыны сондық­тан заңдылық та. Мұның дәлелін алыстан ізде­мей-ақ, жоғарыда аталған кездесуге келген иін тірескен жұртшы­лықты айтсақ та жетіп жатыр. Енді ойын барысына келейік. Кездесудің алғашқы кезеңінен ұлт­тық құрама қарқынды ша­буыл­дарымен жанкүйерлерін желпіндірумен болды. Ойынның алғашқы үшінші минөтінде-ақ  Вадим  Кра­с­­но­слободцев алғашқы шайбаны қонақтар қақпасына дәл бағыттаса, оның командаласы  Роман  Старченко  көп  ұзамай екінші шайба­ның авторы атанды. Бұл жеңісті жол алғашқы айналымда есепті 4:0-ге жеткізумен аяқталды. Евгений  Рымарев пен Алексей  Ва­силь­ченконың    соққан  қос шайба­сы осы кезеңді қорытындылады. Екінші айналымда қонақтар ширақ қимылдауға барын сала кірісіп кетті. Олардың осылай ойын өр­негін көрсетуі жерлестерімізге осы кезеңнің 10 минөті өткенше шайба салуға мүмкіндік бермеді. Қақпа алдында қарбалас шабуыл­дар орын алды осы тұста. Қызығы мен қиын­дығы қатар жүріп, жан­күйерлерді бірде желпіндірсе, енді бірде жүре­гін сыздататып әттеген-ай дегізетін хоккей спорты коман­далық ойын бол­ғандықтан, ешкім­нің де нашар ой­науға қақысы жоқ. Өйт­кені, бірдің жіберген қателігі бәрі­не тиіп кетуі әбден мүмкін. Ал жеңіс болса, бәрі­мізге ортақ. Сондықтан да команда­ның дүбір­лі сында барын салып, қателік­терге бой алдырып алмауы қа­зіргі таңда басты назарда тұр­ғаны айтпаса да түсінікті. Отандас­тары­мыздың өз­дері­нің алға қой­ған тек қана жеңіс деген жігерлі мақсат­тары­ның арқа­с­ында осы кезеңнің аяқ­талуын алты минөт қалғанда  Роман  Стар­ченконың өзінің командалас ат­тасы  Роман  Савченкодан ал­ған пасын қытай­лықтар қақпа­сына бір-ақ салды.  Іле бұл жеңісті жолды  Евгений  Фадеев әдемі жалғастыр­ды. Есеп – 6:0.  Осы айналым бітуге таяған тұста  Алексей  Литвиненко есепті тағы бір еселеп, көрер­мендер ықыласына бөленді. Сөй­тіп, бұл ке­зең де қазақстандық хоккейшілер пай­дасына 7:0 деген есеппен тіркелді. Үшінші кезеңнің басы алма-кезек шабуылдармен үдей түсті. Спорт сарайының ішіндегі жан­күйер жұрттың  «Шайба!, Шайба!, Қазақстан алға!» деген дауыс­тары­нан құлақ тұнып қалды.  Бұл әдемі ойын өрнегін көрсетіп жат­қан отан­дастарымыз тұрмақ, жиылған жұрт­тың барлығын да рухтан­дыру­мен болды. Қолдары­на  Қазақстан жа­лауын ұстаған жас­тар жағының жалынды ұран­дары жерлестеріміз жігерін жани түскендей. Шешуші уақыттың тартысты да, қызықты өтетіні белгілі ғой. Мұндағы екі жақтың да жанта­ласын әбден түсінуге болатын сияқты. Біздің құрама тағы да екі шайбаны қарсылас командаға дәл бағыттап, есепті 9:0-ге жеткізді. Ашуға булыққан қарсыластары­мыз қарқынды шабуыл жасады. Осы тұста Қытай құрамасының ойыншысы Уанк біздің қақпашы­ның осал тұсын тауып, есепті 9:1-ге жеткізді. Осыдан кейін олар көбіне қорғанысқа қарай ығыса бастады. Сасқаны ма, әлде шын қуанғаны ма, команда мүше­лері­нің жүздеріне күлкі үйіріліп, ө­з­деріне деген ризалық сезімдерін көрсеткендей болды. Тағы да қар­балас сәт. Кім оңай жеңілгісі келеді дейсің. Оның үстіне миллиардтан астам жан­күйер елінде тақы­мын қысып отыр­ғанын ескерсек, олардың да жанталасып жатқан­дықтарын түсі­ну­ге болатын секілді. Соңғы айналымдағы бұл тар­тысты шабуылдарда Талғат Жай­лау­ов қарсыластар қақпасына онын­шы шайбаны дәл бағыттаса, он екінші және он үшінші шай­балар­ды Старченко мен Гаврилин қы­тай­лықтар қақпасына оңай ба­ғыт­тап үлгерді. Ойын аяқта­ларға бір минөт қалғандағы Фадеевтің ерлігін жан­күйерлер сүйсіне бағалады.  Сөйтіп, 14:1 есебімен Қазақстан құрамасы бұл кездесуді сәтті аяқ­тап, жерлестеріне жеңіс сыйлады. Бүгін бұйыртса, еліміз құра­масы Тайпей  құрама командасы­мен  шеберлік байқасады. Бұл сын­да да отандастарымыз намыс­ты қол­дан бермейді деген сенімдеміз. Осы күні Жапония мен Қы­тайлық Тайпей командасын 18:0, Қырғызстан Малайзияны 23:2 есебімен жеңсе, Тайланд пен Кувейт арасындағы кездесу 5:3 есебімен аяқталды. Әбдірахман ҚЫДЫРБЕК.