Кеше Алматыда Мемлекет басшысы Нұрсұлтан Назарбаев «Люксор» кешенінің аумағында орналасқан мұз алаңында болды, деп хабарлады Қазақстан Республикасы Президентінің баспасөз қызметі.
Алаңда көпшіліктің конькимен сырғанау, сондай-ақ ересектер мен балаларды мәнерлеп сырғанауға үйрету шаралары өткізіледі. Мұнда сондай-ақ кёрлинг бойынша жаттығулар өтеді.
Сонымен қатар, Президент «Медеу» мұз айдынында болып, 7-ші Қысқы Азия ойындарының аясында допты хоккейден Қазақстан мен Моңғолия құрамалары арасындағы финалдық матчты тамашалады.