Сәтбаев қаласындағы балалар өнер мектебі талантты өрендерімен танымал. Талапты шәкірттері түрлі деңгейдегі байқауларда көзге түсіп жүр. Қостанайда өткен «Алтын микрофон» халықаралық конкурсында Темірхан Сәуленбек екінші орынды иемденсе, «Ақ көгершін» республикалық байқауында Анита Гатиятова жеңімпаз атанды.
Енді мектептің осындай өнерпаздары бастаған топ лицейлер оқушылары арасында Анталияда көктемде өтетін бүкіл дүниежүзілік конкурсқа қатысуға дайындалуда. Олар мұндай құрметке республикалық іріктеу байқауында ие болды.
Айқын НЕСІПБАЙ,
Қарағанды облысы,
Сәтбаев қаласы.