[caption id="attachment_54598" align="aligncenter" width="560"] inform.kz[/caption]
Оңтүстік Қазақстан облысындағы «Мұнай» ЖШС мұнай базасында бензин құйылған цистерналар мен сорғы станциясы өртенді.
Bnews.kz-тің мәліметінше, оқиға орнына жеткен өрт сөндірушілер жалынның көршілес резервуарларға таралуына жол бермес үшін көбік шашқан.
«ОҚО-дағы «Мұнай» ЖШС мұнай базасында отқа оранған бензин толы 12 цистерна мен сорғы станциясын сөндіру жұмыстары жүріп жатыр. 100-ге тарта өрт сөндіруші мен 20-дан аса техника жұмылдырылған. 11:57-ге қарай оқиға орнына өрт сөндіру пойызы аттанды. Өрт сөндірушілер тілсіз жауды ауыздықтау үшін көбік шашып жатыр», – деп мәлімдеді Ішкі істер министрлігі төтенше жағдайлар комитетінің ресми өкілі Руслан Иманқұлов.
Төтенше жағдайлар комитетінің өкілі қазіргі уақытта екі цистернаның сөндірілгенін хабарлады.
[caption id="attachment_54602" align="aligncenter" width="560"] inform.kz[/caption]
Айдар ӨРІСБАЕВ