Биыл Ұлттық бірыңғай тест сынағын тапсырған түлектерге берілетін мемлекеттік білім гранттарын бөлу мәселесін қараған республикалық комиссия өз жұмысының қорытындыларын шығарып, грант иелерін анықтады.
Еліміздің барлық өңіріндегі тұрғындардың асыға күтіп отырған осы білім беру гранттары иелерінің тізімдері «Егемен Қазақстан» және «Казахстанская правда» газеттерінің алдағы 9 тамыз, сейсенбі күнгі нөмірінде жарық көреді.
Басылым оқырмандары тізімнің газетіміз сайтындағы нұсқасын 9 тамыз күні 00:05 сағаттан бастап көре алатын болады. Тізім алдымен сайтта жарияланады.
«Егемен-ақпарат»