[caption id="attachment_54768" align="aligncenter" width="560"] ktf.kz[/caption]
Рио-де Жанейро қаласында теннистен Олимпиялық ойындардың жеребесі тартылды. Осы додада еліміз атынан сынға түсетін Ярослова Шведова мен Галина Воскобоева бірінші айналымда тайпейлік Се Шувей мен Чжуан Ця Жуньмен кездесетін болды. Бұл туралы «Егеменнің» арнаулы тілшісі Бақтияр Тайжан хабарлады.
Егер бірінші айналымда жеңсе, қазақстандық теннисшілердің келесі қарсыласы Испания немесе Бразилия спортшыларының біреуі болады.
Ал жекелей сында Галина Воскобоева бірінші айналымда жапониялық Микаси Доимен кортқа шығады. Осы кездесуде жапон теннисшісін жеңсе, Воскобоева екінші айналымда Саманта Стосур пен Елена Остапенконың арасында өтетін ойынның жеңімпазымен күш сынасады.
Теннис жарыстары 6 тамызда басталады.
Дастан КЕНЖАЛИН