Рио-де-Жанейрода өтіп жатқан Олимпиялық ойындардағы бокс турнирінің 1/8 финалында 91 кг салмақ дәрежесіндегі қазақстандық Василий Левит қытайлық Фенгкай Юмен кездесіп, 2-раундта айқын басымдықпен жеңіске жетті.
Ұрыс Василийдің айқын басымдылығымен өтті. Оның қатты соққылары қарсыласын қайта-қайта теңселтумен болды. Екінші раундта қытайлық спортшы нокдаунға да түсіп қалды. Ал қапталдағы төрешілер сол кезде есепті 20:17 есебімен қазақстандықтың пайдасына шешіп тұрды. Оның қатты басым екенін байқаған қарсылас жақтың жаттықтырушылар штабы ақыры ортаға ақ сүлгі тастады.
Енді Василий Левит келесі жұптағы Чоуаиб Боулоудинат (Алжир) – Кеннеди Ст Пиерре екеуінің қай жеңгенімен ширек финалда шайқасады.
Дамир ҚОЖАМҚҰЛ