Пайдаланып қатесін, жеңді «Астана» беларусьтің БАТЭ-сын

Кеше футболдан Еуропа лигасының плей-офф кезеңінде «аАстан» командасы Беларусьтің БАТЭ клубымен кездесті. Кездесуде алаң иелері 2:0 есебімен жеңіске жетті. Матч қызықты және тартысты өтті. Әсіресе, оның екінші таймында «Астана» командасы Еуропа лигасының топтық турниріне жолдама алу үшін барын салып өнер көрсетті. Кездесуде алаң иелері өз алаңында жеңіс­ке деген жігерлілігін танытып матчтың 70-ші минутында алғаш­қы голды Жуниор Каба­нанга соқса, арада 12 минут өткенде Азат Нұр­ға­лиев екінші доптың авторы атанды. Осы же­ңіс «Астананың» Еуро­па лигасының топ­тық турниріне шығуға мүмкіндік беріп отыр. Беларусьтің клубы біз­дің елдің командаларымен алғаш рет кездесіп отырған жоқ. Бұған дейін олар Қарағандының «Шах­­тер» командасымен ойнап, екі кездесуде де отандастарымыздан же­ңілген болатын. Кеше «Астанамен» ойында қонақтар сол жолы кеткен есені қайтара алмады. Енді БАТЭ-ге топтық турнирге шығу үшін бір аптадан кейін Борисов қаласында өтетін кездесуде гол жібермей, «Аста­наны» үш доп айырма­шылығымен жеңу керек. Ал астаналықтар бұған жол бермеуге тырысады. Дастан КЕНЖАЛИН, «Егемен Қазақстан» Суретті түсірген Мансұр ХАМИТ