Бүгін Олимпиялық ойындарда кешкі сағат 19.15-те еркін күрес балуандары 74 кило салмақтағы Ғалымжан Өсербаев пен 57 килодағы Нұрислам Санаев кілемге шығады. Ғалымжан 1/16 финалдан, Нұрислам 1/8 финалдан бастап белдеседі.
Көркем гимнастикада сағат 23.45-те Сабина Әшірбекова өнер көрсетеді. Бұл сындарды KazSport арнасы көрсетеді.
18 тамыздан 19 тамызға қараған түні сағат 00.15-те боксшы Иван Дычко жартылай финалда жұдырықтасады. Одан кейін сағат 00.30-да Дариға Шәкімова ½ финалда күш сынасады. Боксшылардың жекпе-жектерін «Хабар» арнасынан тамашалай аласыздар.
Дастан КЕНЖАЛИН
Фото: olimpic.kz