Өнімі өтімді де төзімді

Елбасы Нұрсұлтан Назарбаев өзінің  Қазақстан халқына биылғы Жолдауында тұрғын үй-коммуналдық шаруашылық саласын дамыту және елді мекендерді сапалы ауыз сумен қамтамасыз ету мәсе­лелеріне баса назар аударды. Мұндай  бағдарламаларды жүзеге асыру өмірлік мәселе екенін атап өтті. «Сумен, жылу­мен, электр және газбен қамтамасыз ету жүйе­леріне кең ауқымды жаңарту жүр­гізіп, сондай-ақ, тұрғын үй қатына­сының оңтайлы моделін құру қажет», – деп  қадап айт­ты. Аймақтық индустриялан­ды­ру картасы аясында салы­нып, бүгін-ертең пайдалануға берілгелі отырған қуаты жы­лы­на 20 миллион тонна металл құрылғыларын шығаруға есептелген «Ақтө­бе­құ­рылысхим­құ­растыру» ЖШС полиэтилен құбырлары зауытының жалпы жобалық құны 900 миллион теңге құ­райды. Әлемдік озық технологияға есептелген бұл зауытта жоғары  және орта қысымды әр түрлі диаметрдегі құбырлар  шыға­ры­лады. Жоба «Нұрбанктің» заем­дық қар­жысымен қаржы­лан­дырылды. Өндірісте ең озық инновациялық технология – Гер­манияның «KraussMaffeі» ком­паниясының қуат тиімділігі жоғары экс­трузиондық желісі пайдаланылады. Құбыр өнім­де­рін өндіруге Германия мен Ко­­рея­ның өте сапалы полиэтилені қолда­нылады. Сон­дықтан зау­ыт­та шығарылған полиэтилен құбырлары 50 жылға шыдас береді. «Ақтөбеқұрылысхим­құ­рас­ты­ру» ЖШС-нің директоры Серік Ахметалиннің айтуынша, кәсіпорында шығарылатын по­ли­этилен құбырлары  тұрғын үй-комму­нал­дық шаруашы­лы­ғын­да су, канализация және газ жүйелерін жаңартуға таптыр­май­ды. Қазір нысан жұмыс істеуге толық дайын, әзірге іске қосу-реттеу жұмыстары жүр­гі­зілуде. Мұнда 70 адам еңбек ететін болады. Зауыт толық қуа­тына көшкенде 150 адам жұ­мыс істейді. Қажетті жұмыс­шылар  тәжірибелі және кәсіби шеберлігі жоғары жергілікті ма­мандардан іріктелетін бо­ла­ды. Жаңа зауыттың аумағында бір мезетте 2 мың тонна құбыр сақтайтын өндірістік база, по­лиэтилен құбырларын өнді­ре­тін цех, әкімшілік-тұрмыстық ғи­марат, асхана, дербес жылу қа­зандығы салынған. 2,5 кВт-тық шағын станса құрас­ты­рылып, учаскелерге барлық сыртқы коммуникациялар жүр­гізілген. Тұғын үй-коммуналдық ша­руашылық саласында жаңарту жұмыстарын қар­қын­ды жүргізу қажеттігі туып отырған қазіргі кезеңде зауыт өнімдеріне сұ­раныс та жоғары болмақ. Жо­баны жүзеге асыру Батыс Қа­зақстанның полиэтилен құбыр­ларына деген қажетін өтеп қана қоймай, таяу жылдарда Ресей­дің көршілес аймақтарының рыногына шығаруға да мүм­кіндік береді. Сатыбалды СӘУІРБАЙ. Ақтөбе облысы.